Alberto Martínez Osasun sailburuak adierazpenak egin ditu Euskadiko Osasun Itunaren zortzigarren bileraren aurretik. Elkargune honetan Euskadiko osasun, politika eta gizarte eragile nagusiek parte hartzen dute. Bertan, sailburuak Osasunaren Mundu Eguna (apirilaren 7a) iragarri du Euskadiko Osasun Itunaren urteko jarraipena egiteko data gisa. «Laugarren fasea, Itunaren jarraipena, urtero egingo da Osasunaren Mundu Egunean. 2026ko apirilaren 7ko data proposatzen dugu jarraipen-fase hau hasteko «, adierazi du.
Estrategia-ildoak aurkezteko bigarren bilera da, eta adituen lantaldeek adostutako 6 ildo estrategiko berri aurkezten dira. «Gaur, osasunari buruz hitz egin dugu letra larriz, mahai honetara ekartzen diren dokumentuek pazientea erdigunean jartzen dutelako, eta gai horiek Gaixotasunaren Arretan eta Osasunaren Lehentasunezko Arloetan kontzentratzen dira», adierazi du Martinez sailburuak.
Lantalde bakoitzeko profesional arduradunek adierazpenak egingo dituzte aurkezpen bakoitzaren amaieran.
