Lana, bertako artista honen bigarren lana hirian, Clara Campoamor pasealekuan ikus daiteke, 3,5 metroko altuera du eta altzairu urtuzko plakekin egina dago
Barakaldok Javier Santurtun artistaren eskultura berri bat du aste honetatik aurrera. Egun on laztana, artista barakaldarrak emakumeei, eta zehazki bere amari, egin nahi izan dion omenaldi berezia da, erditzen ari den emakume baten gorputza irudikatuz. Altzairu urtuzko piezekin egindako irudiak 3,5 metroko altuera du eta Clara Campoamor zentro zibikora doan pasealekuan ikus daiteke. «Ohore handia da Javierren lan berri bat gure kaleetan izatea. Artista askorentzat eredu da, eta erreferente gure hirian «, adierazi du Amaia del Campok artistaren beraren ondoan egindako aurkezpenean.
Egun on Laztana emakumeen indarrari omenaldi gisa jaio zen. «Nire kezka da artelanak ikusaraztea eta mugitzen garen hiri-ingurunea atseginagoa, bizigarriagoa eta gizatiarragoa izan dadin laguntzea», adierazi du Santurtunek, eta obra honen hasiera duela urtebete Clara Campoamorren egindako erakusketa batean kokatu du, artearen hastapenetan babesa agertu zioten hiru pertsona omenduz: Ceferino del Olmo, plastikako irakasle ohi bat eta bere ama.
Obra egiteko, Santurtunek oxiebakeko materiala berrerabiltzeko helburua jarri zuen. «Hainbeste alorretan agertzea nahi dugun iraunkortasun hori nire lanarekin praktikatu nahi izan dut. Piezak eta hondarrak ikusten, obrarekin zer iradoki nahi nuen irudikatzen, eta, azkenean, nahiko ausarta izanda, emaitza hau lortu dut «, azaldu du.
Alkateak eskerrak eman nahi izan dizkio egileari hiriarekin duen konpromisoagatik, «bere lana beti hiri-berroneratzean, tokiko merkataritzaren dinamizazioan eta auzoen hobekuntzan oinarritu da elkarlaneko proiektu artistikoen bidez, gure hiria alaitzen duten muralak margotu ditu eta horregatik Santurtuni Barakaldorekin duen konpromisoa eskertu behar zaio», amaitu du.
