Eusko Jaurlaritzak bi lankidetza-hitzarmen luzatzea onartu du Azkoitiko eta Sestaoko udalekin eta haien hirigintza-sozietateekin, babes publikoko etxebizitzen sustapenean aurrera egiteko eta Euskadiko etxebizitza-parke publikoa indartzeko.
Lehen akordioa, hasiera batean 2021eko maiatzaren 31n sinatua, mantendu egingo dute Etxebizitza eta Hiri Agenda Sailak, Azkoitiko Udalak eta Azkoitia Lantzen SAk, eta aukera emango du udalerrian alokairuko etxebizitza babestuaren sustapenarekin jarraitzeko 2029ko maiatzaren 31ra arte.
Bigarren hitzarmena, 2021eko ekainaren 3an sinatua Sestaoko Udalarekin eta Sestaoberri 2010 SA sozietatearekin, 2029ko ekainaren 3ra arte luzatuko da. Akordio hau Txabarri-El Sol eremuaren hiri-berrikuntzako proiektuaren barruan kokatzen da, eta udalerriko gune estrategikoenetako batean etxebizitza babestuak eraikitzea eta birgaitzea aurreikusten du.
Bi luzapenek Eusko Jaurlaritzak etxebizitza-politika publikoarekin duen konpromisoa islatzen dute, bereziki etxebizitza babestuen parkea handitzeari eta zailtasun handienak dituzten kolektiboek etxebizitza duina eskuratzeari dagokienez, eskaintzaren % 50 36 urtetik beherakoentzat erreserbatzea barne.
Jarduketa horiek bat datoz XIII. Legegintzaldiko 2024-2028 Gobernu Programaren 17. konpromisoarekin, ekintza publikoaren ardatz estrategikoetako bat duena etxebizitza.
