Joan den otsailaren 20an Basazabal jauregian egindako bileran aurreratu zen moduan, ekimen honek Azpeitiko Udalak jasangarritasun energetikoarekin duen konpromisoari erantzuten dio, eta Euskal Autonomia Erkidegoko Jasangarritasun Energetikoari buruzko otsailaren 21eko 4/2019 Legean jasotako betebeharren barruan kokatzen da.
Beste helburu batzuen artean, legeak ezartzen du administrazio publikoek sektore pribatuarekiko lankidetza sustatu behar dutela, karga-sare sendo bat sortzeko eta ibilgailu elektrikoaren erabilera sustatzeko, berotegi efektuko isuriak murrizteko funtsezko estrategia gisa.
Horretarako, Azpeitiko Udalak hamar kargagailu elektriko emango dizkie udalerriko enpresei. Hartune bakoitzeko 22 kW-eko potentzia duten karga-puntu bikoitzeko ekipoak dira, eta gune pribatuetan instalatuko dira.
Eskabideak adierazitako epean aurkeztu beharko dira, eskatutako dokumentazioarekin batera, deialdian ezarritako irizpideen arabera.
Prozesuari, baldintzei edo beharrezko dokumentaziorako sarbideari buruzko informazio gehiago nahi izanez gero, esteka hau kontsulta dezakete enpresek:
