Amaia Barredo, Eusko Jaurlaritzako Elikadura, Landa Garapen, Nekazaritza eta Arrantza sailburua, Amurrioko (Araba) Destilerias Acha egoitzan izan da gaur. Bertan, I+G+B sailaren lanaz eta edariaren neurrira egindako formulazio berriez interesatu da bereziki, produktu natural eta organikoen prozesu osoko kalitate-estandarren barruan. Raúl Pérez Iratxeta sailburuordeak ere parte hartu du topaketan.
Ia bi mendeko historian, Acha enpresa merkatuaren eskakizunetara egokitu da. Hainbat merkatutan ibilbide luzea eta esperientzia handia du euskal enpresak, eta produktu bakoitzaren kalitate gorena azpimarratzen du, betiere kontuan hartuta bere funtsezko ezaugarri organoleptikoak eta horiei lotutako kultura. Acha destilategia 1831koa da, eta bost belaunaldi familiarrak dira.
