Autoan zihoan gizon bat hil da gaur, astelehena, arratsaldean, A-1 errepidean, Gasteizko udal-barrutian, gertatu den zirkulazio-istripu baten ondorioz.
Auto batek eta kamioi batek izan duten istripua arratsaldeko zortziak eta hogei aldera gertatu da A-1 errepidean, Mendozako sarreratik hurbil, Arabako hiriburuko udal-barrutian. Autoan zihoan gizona hil egin da istripuak eragindako lesioen ondorioz, ezbeharra gertatu den lekura hurbildu den medikuak egiaztatu duenez.
Irunerako noranzkoko eskuineko erreia itxita geratu denez, Ertzaintzak bideratu du zirkulazioa, eta zoritxarreko zirkulazio-istripuaren arrazoiak argitzeko polizia-atestatua jarri du abian.
