Asteburu honetan bertan izango da Azpeitia Dantzan programako lehen emanaldia. Larunbatean, 19:00etan, Luis Alberdi dantza suelto eskolako eta Juan Antxieta musika eskolako ikasleen saioa izango da Soreasu antzokian. Luis Alberdi eta Mari Jose Bikendi ariko dira zuzendari lanetan.
Hurrengo asteburuan, berriz, hitzordu bikoitza izango da. Larunbatean, uztailak 5, Sahatsa dantza taldearen emanaldia izango da plazan, 19:30etik aurera, Juan Luis Lizabe zuzendari dela. Igandean, uztailak 6, 19:00etan, saloiko dantzek hartuko dute Soreasu antzokia, Jose Mari Orbegozo dantza eskolako ikasleen emanaldiarekin.
Aurtengo Azpeitia Dantzan programako azken protagonistak, berriz, Itsasi dantza taldekoak izango dira. Ainara Bidal zuzendari dela, uztailaren 20an, igandea, Soreasun ariko dira, 19:00etatik aurrera.
