Gerturatzen ari da Azpeitiko zezen plazan egingo den freestyle moto-kros proba. Uztailaren 19an izango da, 22:00etatik aurrera. Oraindik geratzen dira sarrera batzuk. Azpeitian bertan, Jim Clark tabernan daude salgai. Internet bidez, berriz, enterticket.es atarian eskura daitezke.
Azpeitiko zezen plazan halako zerbait egiten den lehen aldia izango da, eta ikusmina sortu du probak. Punta-puntako lau pilotu etorriko dira: Remi Bizouard frantziarra, Diogo Ribeiro portugaldarra eta Rayco Diaz eta Dani Martinez espainiarrak.
Antolatzaileen esanetan, hamabost metroko altuerara arteko jauziak egiteko gai dira pilotuak. Gauez izanik, argiaren eta soinuaren efektuez baliatuko dira proba are ikusgarriago egiteko.
