- Iñaki Ruiz Manzano eta Elena Pérez Barredo sailburuordeek txostena helarazi diote Elkarrizketa Sozialerako Mahaiaren koordinazio taldeari, Eusko Legebiltzarrak onartutako agindua eta Gobernu Akordioan jasotako konpromisoa betez
- Mikel Torres Lehendakariordeak egingo du publiko txostena bihar komunikabideen aurrean
Eusko Jaurlaritzako Ekonomia, Lan eta Enplegu Sailak “Euskal Autonomia Erkidegorako negoziazio kolektiboko gutxieneko soldatari buruzko azterlana” aurkeztu du gaur, asteartea, Elkarrizketa Sozialerako Mahaiaren koordinazio taldean, Eusko Legebiltzarrak onartutako agindua eta Gobernu Akordioan jasotako konpromisoa betez.
Aurreratu moduan, eta negoziazio kolektiboaren berezko bilakaeratik harago, azterlanaren helburua da negoziazio kolektiboari erreferentzia zorrotza eta oinarritua ematea, soldata mailak hobetzen eta lan desberdintasunak murrizten laguntzeko, betiere eragile sozialen autonomia errespetatuz.
Euskadiko errealitate sozioekonomikoaren azterketa sakon batean oinarritzen da, eta abiapuntu du Espainiako eta Europako gutxieneko soldaten gaineko testuingurua eta pobreziaren aurkako borrokan Espainian azken urteotan LGSaren igoerak duen garrantzian.
Asteazken honetan (10:00etan) aurkeztuko da publikoki txostena Bilbon, komunikabideen aurrean egingo den gosari informatibo batean, eta ostiralean, ELA eta LAB sindikatuei jakinaraziko zaie eurek eskatutako bilera espezifiko baten bitartez.
Ekimen horrekin, kalitatezko enpleguaren eta lan harremanen sistema propioaren aldeko konpromisoan aurrera egin du Eusko Jaurlaritzak, Euskadin kohesio soziala eta soldata berdintasuna lortzeko bidean.
