Eusko Jaurlaritzak, Ibone Bengoetxea lehendakariorde eta Kultura eta Hizkuntza Politikako sailburuak balorazioa egin du EBko Gai Orokorren Kontseiluaren bileraren ostean. Lehendakariordeak azpimarratu du euskara hizkuntza bizia dela, euskal herritarrena eta Europako ondarearen zati bat, eta gogorarazi du Europa ezin dela eraiki bere aniztasuna ukatuz.
Hala ere, Eusko Jaurlaritza ziur dago gaur egun inoiz baino gertuago gaudela Europan euskararen ofizialtasuna lortzeko. Espainiako Gobernuaren eta inplikatutako erakunde guztien ahalegin diplomatikoa eskertu du, eta auzi horrekiko konpromiso politikoari eustea eskatu du.
Eusko Jaurlaritzak berretsi du helburu hori lortzeko esparru guztietan lan egiten jarraitzeko borondate irmoa duela, sinetsita baitago aniztasunean bat eginda ez dela leloa bakarrik izan behar, ekintza politikoaren benetako printzipioa baizik EBn.
