- Dagoeneko hasi dira lanak egungo pabiloia eraisteko obrak. Horren ordez, beste pabiloi bat jarriko da eta ospitaleak hiru solairu gehiago izango ditu eta haren azalera erabilgarria bikoiztuko da
- Eraikin berriak errehabilitaziorako gimnasio eraberritua izateaz gain, bihotz-errehabilitaziorako gimnasioa izango du eta erradiologia-zerbitzua handituko da
- Obra 2026ko ekainean amaitzea aurreikusten da
Osakidetzak abian jarri du Gurutzetako Unibertsitate Ospitaleko errehabilitaziorako gimnasioa osorik eraberritzea; pazienteak sendatzeko instalazioak modernizatzeko eta handitzeko funtsezko jarduketa. Eusko Jaurlaritzako Osasun Sailak 5,2 milioi euro inbertitu ditu erabateko eraberritze horretan. Jarduketa horrekin orain dagoen pabiloia osorik eraitsi eta berrituko da eta beste bat jarriko da. Berria jarriz, hiru solairu gehiago egongo dira. Obra jada hasi da eta 2026ko ekainean amaitzea aurreikusten da.
Esku-hartzea ospitaleko A eremuan garatzen da eta errehabilitaziorako gimnasioa edukitzeaz gain, bihotz-errehabilitaziorako gimnasioa izango du eta erradiologia-zerbitzua eta laguntza-ekipamendua handituko dira.
Eraikin berriaren solairuen araberako banaketa eta metro erabilgarriak honako hauek dira:
2-Sotoko solairua: Errehabilitaziorako gimnasio berria Ekialdeko eta mendebaldeko patioetara bi bao handi irekiko dira, espazioa argiztatzeko. 500 m2
1-Sotoko solairua: bihotz-errehabilitaziorako gimnasioa, eta, horrez gain, espazio horri lotutako medikuntzako bi kontsulta eta erizaintzako bat, aldagelak eta komunak. 205 m2
Beheko solairua: Solairu horretan erradiologia-zerbitzua handituko da, Anestesia ondoko Bizkortze Unitate batekin, saio-gela batekin eta bi txosten-gelarekin, eta, gainera, goi-teknologiako ekipamendurako espazio erabilgarri bat ezarriko da, dagokion gela tekniko osagarriarekin. 164 m2
Lehen solairua: Solairu hori unean uneko laguntzarako erabiltzea aurreikusten da. 170 m2
Eraberrituko da gaur egungo laguntza-eskaerak direla-eta gimnasioa egokitu behar delako; espazioaren aprobetxamendua optimizatuko da eta ospitaleari punta-puntako instalazioak emango zaizkio.
Jarduketa horren bidez, Eusko Jaurlaritzako Osasun Sailak eta Osakidetzak bere azpiegiturak etengabe hobetzeko eta laguntza-kalitatea hobetzeko konpromisoa indartzen dute, pazienteei ingurune modernoagoa, irisgarriagoa eta eraginkorragoa eskainiz, errekuperatzeko.
