Ertzainek bi gazte atxilotu dituzte goizaldean, Galdakaoko bizitza bateko etxe baten barruan harrapatu ondoren.
Bart gauerdian, pertsona batek SOS Deiak 112ra deitu du Galdakaoko Olabarrieta auzoan dagoen eta une horretan hutsik zegoen aita-amaginarreben etxean indarrez sartu direla esanez, instalatuta zuten zaintza-kamera deskonektatu egin dutela konturatu baitira.
Bertaratu diren patruilek ikusi dute etxean argi bat piztuta zegoela, eta barrura sartu direnean bi gazte aurkitu dituzte etxearen goiko aldean. Horren aurrean, susmagarriak atxilotu dituzte etxebizitza bortxatzearen delitua leporatuta.
Atxilotuak, 21 eta 19 urtekoak, agintari judizialaren eskuetan jarriko dituzte dagozkion eginbideak amaitu ondoren.
