Zarauzko Udalak Vista Alegre auzoko hiru hiri-igogailu berriak instalatzeko eta urbanizatzeko lanak amaitu ditu. Horrela, auzo altu horren eskakizunetako bati erantzuna ematen zaio, gunearen irisgarritasuna hobetzeko.
Allemendi kalea 3-5, Allemendi kalea 10 eta Orkolaga plaza 2-3ko hiru igogailu berri hauek, 2021etik martxan dauden Aldapetako biei gehitzen dira, Vista Alegre azpiegitura berriez hornituz.
Zarauzko eremu horretako irisgarritasuna hobetzeko eraikuntza- eta urbanizazio-lanak Construcciones Moyua SAk egin ditu, eta urtebete inguru iraun dute, lanak 2024ko irailaren 25ean hasi baitziren. Proiektuak 1.432.472,85 euroko aurrekontua izan du (BEZa barne).
«Hiru igogailu berri hauekin, Aldapetako bi handienekin batera, aurrera egiten da Vista Alegre auzo osorako irisgarritasun unibertsala lortzeko helburuan», adierazi du Obra eta Zerbitzuetako zinegotzi Iban San Martinek (EAJ-PNV).
Hiru igogailu berriak eguneko 24 orduetan egongo dira martxan, eta bideozaintzako kamerak dituzte, Udaltzaingoaren eraikinarekin zuzenean konektatuta.
