Zeinu Hizkuntzen Nazioarteko Eguna da gaur, pertsona gor eta zeinu-hizkuntzaren erabiltzaile guztien hizkuntza-nortasuna eta kultura-aniztasuna ikusarazteko, babesteko eta aldarrikatzeko eguna.
Egun horri ikusgarritasuna eman nahi dio Zarauzko Udalak, irailaren 24an, 18:00etan, “Isiltasunetik” dokumentalaren emanaldiarekin. Jaiotzetik gorrak diren bi lagunek furgonetaz Marokon egindako bidaia kontatzen du dokumentalak; gidari eta zeinu interpreteek lagunduta egindako bidaia.
Isiltasunetik… zer entzuten da? Hautatua al da? Derrigortua? Zer entzun nahiko luke modurik ez duenak? Zer ez luke entzun nahiko modua duenak? Entzuterik ez duena nola komunikatzen da?
Dokumentalaren ondoren Itziar Agirrebarrenarekin eta Josu Iztuetarekin solasaldia izango da, Amagoia Osinalde zeinu interpretearen laguntzarekin
“ISILTASUNETIK”
IRAILAK 24, 18:00
MODELO ARETOA
