Ertzainek 31, 21 eta 19 urteko hiru gizon atxilotu zituzten atzo, igandea, arratsaldean, Arrasaten, etxean indarrez sartzea leporatuta. Hiru gizonak etxebizitza barruan harrapatu zituzten, etxebizitzako terrazako balkoiko sarrerako atea behartuta sartu ondoren.
Atzo arratsaldeko seiak aldera gertatu zen Arrasateko (Gipuzkoa) San Juan auzoan.
Herritarren segurtasuneko lanetan ari zen Deba-Urolako Ertzain-etxeko Herritarren Babeseko patruila bati etxebizitza batera joateko eskatu zioten, partikular batek jakitera eman baitzuen bere etxea okupatu zutela terrazako balkoiko sarrerako atea behartu ondoren, eta barruan hiru ezezagun zeudela.
Agenteak berehala joan ziren esandako lekura, eta gertaeraren inguruabarrak aztertu ondoren, etxean sartu eta hiru gizon aurkitu eta identifikatu zituzten. Agenteek terrazako balkoian egindako kalteak egiaztatu zituzten, eta etxebizitzako sarrerako ateko sarrailak ere kalteak zituela konturatu ziren.
Horren guztiaren aurrean, bertaratu ziren ertzainek 31, 21 eta 19 urteko hiru gizonak atxilotu zituzten etxean indarrez sartzea leporatuta. Atxilotuak polizia-egoitzara eraman zituzten zegozkion polizia-eginbideak betetzeko, eta horiek amaitu ondoren agintari judizialaren eskuetan jarriko dituzte.
