Nafarroako Gobernuak 2025erako Lan Eskaintza Publikoaren (LEP) proposamena helarazi die gaur sindikatuei Funtzio Publikoko Mahai Orokorrean. Guztira 578 plaza daude, sektoreka banatuta, 266 osasun-langileren eta 312 Administrazio Nukleoaren artean. Enplegu publikoa sendotzeko eta Nafarroako herritarrei ematen zaizkien zerbitzuak indartzeko departamentuak egiten duen lanaren barruan kokatzen da proposamena, eta bat egiten du duela gutxi egin den 290 maisu-maistren plazarekin eta joan den maiatzean Administrazio Nukleoan eta Osasunean zeuden 1.125 plazekin. Era berean, gaurko bileran, Nafarroako Gobernuak Langileen Estatutu berriaren testua garatzeko lanak ahalik eta gehien arintzeko duen borondatearen berri eman da.
