Nafarroako Gobernuko Lurralde Antolamendurako Batzordeak (LAB) oniritzia eman dio gaur Nafarroako Unibertsitate Publikoko (NUP) Campuseko udalaz gaindiko eragineko Plan Sektorialaren aldaketari, Iruñeko udal-mugartean jarduera-eremua berriz mugatzeko. Praktikan, aldaketa hori lehen urratsa da Nafarroako Gobernuak, Iruñeko Udalak eta NUPek sinatutako hitzarmena betetzeko eta abian jartzeko, unibertsitatearen ingurunea biziberritzeko, berdeguneak sortzeko eta hiriburuko enklabe enblematiko batean etxebizitzak eraikitzeko.
