Nafarroak 2025a itxi zuen 315.741 afiliaziorekin, batez besteko afiliazioaren arabera, duela urtebete baino 5.405 pertsona afiliatu gehiago daude; beraz, enpleguaren urteko hazkundea %1,7koa izan da. Nafarroak balantze positiboarekin itxi du urtea, nahiz eta, abenduan, eta hileroko terminoetan, batez besteko afiliazioa 1.793 pertsonatan gutxitu zen, azaroarekin alderatuta (-%0,56). Hala, urteko azken hilabeteko ohiko joerari jarraitu dio, non Foru Komunitateko funtsezko hainbat sektoretan, hala nola industrian, jardueren moteltzea erregistratu den.
Jasotako langabeziari dagokionean, urtetik urterako datuak kontuan hartuta, 872 langabe gutxiago daude; hots, -%2,9 jaitsi da. Urtearen amaieran, 29.483 langabe kontabilizatu dira, 2007az geroztik izan den urteko itxiera-zifrarik txikiena. Horrek esan nahi du hilean 271 pertsona gehiago daudela, azaroarekin alderatuta, +%0,93 gehiago. Aipatu behar da abendua kaltegarria izan ohi dela Nafarroako enpleguarentzat, Gabonetako oporrak direla-eta industria eta zerbitzu publiko jakin batzuk bezalako sektoreetan jarduera jaisteagatik (2007az geroztik, bi alditan bakarrik, 2018an eta 2023an, langabeziak behera egin du hilabete honetan).
Kontratazioari dagokionez, urte osoan 295.622 kontratu egin dira; hau da, 2024an baino %4 gehiago. Metatutako terminoetan, 2025 osoan erregistratutako kontratu mugagabeak 60.024 izan dira, kopuru osoaren %20,3.
Erregistratutako langabeziaren zifra nagusiak
Hilabetean, sexuaren arabera, langabeziaren aldaketa desberdina izan da. Lanik gabeko gizonezkoen kopuruak +%3 (335 langabe gehiago) handitu da, eta lanik gabeko emakumezkoen kopurua -%0,4 jaitsi (64 langabe gutxiago hilabete batean). Urtetik urtera begiratuta, langabeziaren aldakuntza zertxobait positiboagoa izan da emakumeentzat, langabeen kopurua -%3,2 jaisteagatik (594 emakume langabe gutxiago); gizonena, aldiz, intentsitate gutxiagorekin murriztu da, -%2,3 (278 gizon langabe gutxiago). Modu horretan, langabeziaren banaketak desberdina izaten jarraitzen du. Abenduaren amaiera aldera, Nafarroan langabe gisa erregistratutako pertsonen %60,5 emakumeak izan dira (17.839) eta gizonak, berriz, %39,5 (11.644).
Adinari erreparatuta, bosta din-tarteetatik lautan langabezia igo egin da hilean. Horien artean, 25 urtetik beherako gazte langabeen kopurua nabarmentzen da, jaitsi den talde bakarra izanik (zehazki, 138 gutxiago, -%4,7). Igo diren tarteei dagokienez, lehenik eta behin, 45 eta 54 urte arteko pertsonak daude; hots, 194 pertsona gehiago (+%2,9). Bigarren, 35 eta 44 urte artekoak aurkitzen dira, 78 pertsona gehiago (+%1,3), eta, jarraian, 55 urtetik gorako pertsonak, 102 pertsona gehiago baitira (+%1,2). Neurri txikiagoan bada ere, 25 eta 34 urte artekoek izan dute igoerarik txikiena, 35 langabe gehiago baitaude (+%0,7).
Hilaren amaieran langabezian dauden pertsona guztietatik %9,4 25 urtetik beherakoak dira (2.784) eta hamarretik hiru (%30,2, hots, 8.915) 54 urtetik gorako langabeak.
Nazionalitatearen arabera, atzerriko nazionalitatea duten langabeen kopurua azarokoa baino handiagoa izan da (+65, +%1), eta, era berean, Espainiako nazionalitatea duten langabeen kopurua +%0,9 hazi da (206 gehiago hilabete batean). Urtebetean (2024ko abendua-2025eko abendua), Espainiako nazionalitatea duten langabeen kopurua -%1,9 jaitsi da (455 gutxiago); atzerriko nazionalitatea duten langabeen kopurua, berriz, -%6koa izan da (417 gutxiago). Era horretan, egun langabe gisa erregistratutako pertsona guztietatik %22,1ek atzerriko nazionalitatea du (6.526).
Ikasketa-mailari dagokionean, aipatu behar da hilabete batean behera egin duela Batxilergoa duten langabeen kopuruak (-22, -%1,1). Aldiz, gainerako prestakuntza-etapa guztietan, langabeen kopurua igo egin da. Bigarren Hezkuntzako lehen etapa artekoen artean, 241 langabe gehiago daude (+%1,2), igoera handiena izanik. Bigarren, Erdi Mailako LH dutenen artean, 23 langabe gehiago daude (+%1,1); ondoren, Unibertsitateko ikasketak dituztenak aurkitzen dira, 20 pertsona gehiago (+%0,7); eta, azkenik, Goi Mailako LH ikasketak dituztenak, 9 pertsona gehiago baitira (+%0,4). Beraz, Nafarroako langabeen kopuru osoaren %69,5a osatzen dute Bigarren Hezkuntzako lehen etapara arteko ikasketa-maila dutenak; hain zuzen ere, ikasketa-maila horiek dituzten 20.483 langabe dira.
Enplegu-agentziei dagokienean, horietan guztietan igo da langabezia hilero, baina maila desberdinetan. Horrela, Doneztebeko agentzian izan da igoerarik handiena termino erlatiboetan (+%5,3, 29 langabe gehiago); jarraian Altsasuko agentzia aurkitzen da (+%1,8, 13 langabe gehiago); hirugarren lekuan, Lodosako agentzia (+%1,7, 19 pertsona gehiago); eta, ondoren, Lizarrako agentzia (+%1,3, 23 pertsona gehiago) eta Tafallako agentzia (+%1,1, 21 langabe gehiago). %1etik beherako igoerak izan dituzte Tuterako agentziak (+%0,9, 42 gehiago), Iruñeko agentziak (+%0,7, 123 gehiago) eta, azkenik, Agoizko agentziak igoera txikienarekin (+%0,1, pertsona 1 gehiago).
Urtebetean, langabezia jaitsi egin da Nafarroan dauden 8 enplegu-agentzietatik 6tan. Hauek izan dira langabeziaren jaitsierak: Tafallako agentzian langabezia -%5,1 jaitsi da 2024ko abenduarekin alderatuta (106 langabe gutxiago). Agoitzekoan ere -%5,1 jaitsi da (37 langabe gutxiago), Lodosakoan -%4,8 (59 langabe gutxiago), Iruñakoan -%3 (551 gutxiago), Lizarrakoan %2,4 (43 pertsona gutxiago) eta Tuterakoan -%2,3 (113 gutxiago). Azkenik, Altsasun urtetik urterako +%2,7ko igoera izan da (20 pertsona gehiago) eta Donezteben +%3 (17 pertsona gehiago).
Bestalde, sektoreak kontuan hartuta, hileko aldakuntza hauek gertatu dira- Lehen sektorea izan da jaitsiera izan duen bakarra, -%1,3 (14 langabe gutxiago). Hilabete arteko aldakuntzaren igoerarik handiena industria-sektorean gertatu da, 152 langabe gehiago egon baitira (+%4,1). Bigarren, eraikuntza aurkitzen da +%2,8ko igoerarekin (34 langabe gehiago) eta, ondoren, zerbitzuen sektorea dago, +%0,6ko igoerarekin (127 pertsona gehiago). Aurretik enplegurik gabe zeudenek -%0,9ko jaitsiera izan zuten (28 pertsona gutxiago).
Urtebetean, langabeen beherakada handienak lehen sektorean (143 gutxiago, -%11,7), eraikuntzan (58 gutxiago, -%4,5), zerbitzuen sektorean (758 gutxiago, -%3,6) eta, azkenik, aurreko enplegurik ez zutenen artean (57 pertsona gutxiago, -%1,7) gertatu dira. Industrian izan da urteko hazkunderik handiena, 143 langaberekin (+%3,9).
Azkenik, iraupen luzeko langabeziari dagokionean, pixka bat okerrera egin du, azaroan baino 7 pertsona gehiago baitira (+%0,1). Hala ere, urtero iraupen luzeko 173 langabe gutxiago izan dira, -%1,4. Gaur egun, langabe gisa erregistratutako pertsona guztien %41,3, hots, 12.189 pertsona, iraupen luzeko langabeak dira (urtebetetik gora daude langabezian).
Kontratazioa
Kontratazioari dagokionez, abenduan 21.907 kontratu erregistratu dira, aurreko hilean baino -%0,9 gutxiago (207 kontratu gutxiago). Urte arteko terminoetan, +%4,3ko igoera izan da 2024ko abenduarekin alderatuta (913 kontratu gehiago).
Kontratu-motaren arabera, 3.771 kontratu mugagabe eta aldi baterako 18.136 kontratu egin dira. Modu horretan, abenduan erregistratutako kontratuen kopuru osotik %17,2 mugagabeak izan dira.
Horrela, amaitu berri den 2025eko abenduan erregistratutako kontratu mugagabe guztietatik (hau da, 3.771 kontratu mugagabe), %41,4 30 urtetik beherakoentzat izan dira (1.560 kontratu), %45,5 (1.715) emakumeentzat eta %33 (1.244) atzerriko nazionalitatea duten pertsonentzat.
