Itzulera honek lehiaketa berezi batekin berriz elkartzea adierazten du. Urdin-gorriak Baskoniaren izena grabatuta daraman (1995, 1999, 2002, 2004, 2006 eta 2009ko edizioetan txapeldun izan ondoren) Kopako txapelketara itzuliko dira. Valentzia izango da txapelketa honen eszenatokia, 1999. urtean arabarrek garaikurra lortu zuten toki berdina.
Kosner Baskonia, denboraldiaren urrats bakoitzean, joan-etorri bakoitzean eta partida bakoitzean taldeari lagundu dioten milaka zaleren energiarekin itzuli da Kopara. Errege Kopak historia, pasioa eta batasuna esan nahi du, eta denboraldi honetan berriro elkarrekin eta inoiz baino indartsuago biziko dugu.
Zurbanokoek 1972/73 denboraldian parte hartu zuten lehen aldiz Errege Kopan, eta ordutik 119 partida jokatu dituzte, 62 garaipen, 53 porrot eta 3 berdinketako balantzearekin. Kosner Baskoniak 6 aurkari ezagutzen ditu: Real Madril, Valentzia Basket, Barça, Ucam Murtzia, Unicaja eta Joventut.
Orain, sailkapena eskuratuta, Kosner Baskonia eta bere zaleak Errege Kopako emozioa ELKARREKIN SENTITZEKO prestatzen ari dira. Kanporaketa bakoitzaren intentsitatea, partida bakoitzaren adrenalina, kaleak eta hiriak betetzen dituen energia eta Gasteiz eta jarraitzaile urdin-gorriek pasioz ordezkatzearen harrotasuna.
Klubak Valentziako Roig Arenan amaituko den bidaia honekin bat egitera animatzen ditu zale guztiak. Bertan, Errege Kopak Endesa Ligako zortzi talde onenak bilduko ditu eta Kosner Baskoniak bere Kopako historian kapitulu berri bat idaztea bilatuko du.
