-
Euskadiko turismo-sektoreak bultzada handia emango dio digitalizazioari, Enplegurako Gaitasunen Digitalen arloko Prestakuntza programari esker
-
Euskadik Next Generation EU funtsen bidez bultzatuko du turismo-sektoretako gaitasun digitalen arloko prestakuntza
Turismo, Merkataritza eta Kontsumo Sailak, Lanbide – Euskal Enplegu Zerbitzu Publikoarekin elkarlanean, Enplegurako Konpetentzia Digitalen arloko Prestakuntza bultzatzen du, Next Generation EU funtsen bidez finantzatuta.
Ekimenak 1,9 milioi euroko zuzkidura ekonomikoa du, eta 710 pertsona prestatzeko aukera emango du, sei prestakuntza-espezialitatetan. Espezialitate horien prestakuntza guztiak online modalitatean emango dira, eta espezialitate bakoitzeko 150 orduko iraupena izango dute.
Hauek dira programaren hartzaileak:
- Turismo-sektoreko enpresa txiki eta ertainak
- Turismo-sektoreko langileak
- Langabeak
Turismoaren eraldaketa digitalerako funtsezko sei arlo nagusitan egituratzen da prestakuntza:
- Marketin digitala eta sare sozialak, bezeroen kudeaketa eta online erreputazioaren kudeaketa.
- Marketin estrategikoa eta eraldaketa digitala, Interneteko fidelizazio-teknikei eta helmuga turistikoei arreta jarrita.
- Komunitate birtualak eta erreputazioa online, marka digitalaren sorreran eta kudeaketan oinarrituta.
- Estrategia digitalak eta online erreserben kudeaketa, turismo-merkaturatzea hobetzeko.
- Hotel- eta turismo-sektoreari aplikatutako adimen artifiziala, arlo hauetarako espezializazioekin: Ostatuak (hotelak, kanpinak, apartamentuak, landetxeak eta landa-turismoa). / Turismo-gidariak eta turismo-bulegoak.
- Bidaia-agentziei aplikatutako adimen artifiziala, bezeroaren kudeaketa eta esperientzia optimizatzera bideratua.
Guztira 11 prestakuntza-entitate arduratuko dira ikastaroak emateaz. LANBIDEren esteka honetan duzue prestakuntza-eskaintzari buruzko informazio zehatza eta ikastaroetarako sarrera:
Turismo-sektorearen gaitasun digitalak sustatzeko prestakuntza-espezialitateak.
Ekimen horri esker, Euskadik turismo lehiakor, berritzaile eta digitalagoaren aldeko apustua indartuko du, sektorearen egungo premiekin eta Europar Batasunak bultzatutako eraldaketa ekonomikoko helburuekin bat eginik.
