Effium startupak, aeroespazio ingeniaritzatik inspiratutako errendimendu handiko zartaginak diseinatzen espezializatua, GOe-Gastronomy Open Ecosystemen barruan dagoen nazioarteko foodtech ekintzailetza-lehiaketaren, GOe On The Roaden, laugarren edizioaren irabazle izendatu dute. «Roadshow» formatuan garatutako ekimen honek Kopenhage, Rotterdam, Tokyo, Londres eta Boston bezalako hiriak zeharkatu ditu, eta gaur amaiera eman zaio Donostia´ko Basque Culinary Center-eko auditorioan, edukiz beteriko jardunaldi baten baitan eta edizio honetako startup irabazlearen iragarpenarekin.
Effium zartaginak bero-hezigailu bereziak ditu, eta horiei esker beroaren xurgapena bikoizten du, %35 azkarrago sukaldatzeko eta gas-kontsumoa %50 arte murrizteko aukera emanez. Effiumeko sortzaile eta CEO Surya Prakash-ek esker ona adierazi du saritzearen harira: “aditu eta ezagutza zabala duten pertsonak ezagutzeko aukera izatea funtsezkoa izango da Effium hurrengo mailara eramateko.”
Irabazlearen iragarpena Basque Culinary Center-eko auditorioan ospatutako edukiz beteriko jardunaldi batean egin da. Ekitaldiari hasiera eman dio Joxe Mari Aizega-k, Basque Culinary Center-eko zuzendari nagusiak, eta Raimundo Ruiz de Escudero-k, Hazi Fundazioaren zuzendariak.
GOe – Gastronomy Open Ecosystem ezagutza, sormena eta jasangarritasuna uztartzen diren espazioa da, gastronomiaren etorkizuna eraikitzeko xedez. Jardunaldian zehar, Asier Alea-k, Basque Culinary Center-eko garapen globaleko zuzendariak, nabarmendu du: “GOe-Gastronomy Open Ecosystem errealitate bihurtzeko unea gertu dela”. Azpimarratu duenez, denon lankidetzari esker “leku paregabea sortzen ari gara, non berritzaileek, sukaldariek eta ekintzaileek bilatzen duten ezagutza eskuratu ahal duten —fermentazio adituekiko nahiz diseinu eta teknologia aurreratuetako espezialistekiko. Zubiak eraikitzea eta puntuak konektatzea da helburua, gure formula Donostiatik mundura zabaltzen gabiltza,” adierazi du Aleak.
Azken faseko startup finalistak –Bellyfood, Effium, Fermenstation, The Good Pulse eta Micsology Foods– balio-proposamena aurkeztu dute aditu-talde baten aurrean. Epaimahaia honako hauek osatu dute: Joxe Mari Aizega, Basque Culinary Center-eko zuzendari nagusia; Asier Alea, Basque Culinary Center-eko Garapen Globaleko zuzendaria; Mentzia Otxoa de Zuazola, Hazi Fundazioa-ren Ekintzailetza eta Berrikuntza zuzendaria; eta Raimundo Ruiz de Escudero, Eusko Jaurlaritza-Hazi Fundazioa-ren zuzendaria.
Begoña Rodriguez, Basque Culinary Centerreko gastronomiako GOe Tech Center zentro teknologikoko zuzendariak, elikadura sektorearen etorkizuna baldintzatzen ari diren joera nagusiak azpimarratu ditu: elikadura medikuntzaren moduan, jasangarritasuna eta ekonomia zirkularra, proteina alternatiboak, nekazaritza eta elikagai-produkzioaren berrikuntza, eta foodtech arloan digitalizazioa. Rodriguezek azpimarratu duenez, zentro teknologikotik sukaldari eta ikertzaileekin elkarlanean dihardute erronka horiei erantzuteko soluzio disruptiboak garatzen, beti pertsonengan zentratutako ikuspegia mantenduz. “Herritarrentzat teknologia zentroa gara”, nabarmendu du.
Effium startup irabazleak sari gisa gastronomiako GOe Tech Center zentro teknologikoan garatuko den ikerketa eta berrikuntza proiektu bat jasoko du, eta Basque Culinary Center-en ekosistemako enpresa, inbertitzaile eta mentore sare zabalera sartzeko aukera izango du.
Finalistak
Bellyfood izeneko daniar startup-a, Line Pedersen-ek sortua, elikadura-osagarri organikoak garatzen ditu tutu-formatuan, zunda bidez elikatzen diren pertsonentzat. Proiektu hau sortzailearen esperientzia pertsonalean du oinarria: garun-paralisia duen semeak ez zuen jasaten merkatuan zeuden prestakinak.
Effium (Rotterdamgo geldialdiko irabazlea), sukalde profesionaletarako errendimendu handiko zartaginak diseinatzen espezializatuta dago. Energia-eraginkortasunean eta jasangarritasunean oinarritzen da, batez ere gas bidezko sukaldaritzan.
Fermenstation (Tokioko geldialdiko irabazlea), elikagaien hondakinak balio handiko osagai natural bihurtzen ditu hartzidura-teknologiaren bidez, ekonomia zirkular jasangarria sustatuz.
The Good Pulse (Londresko geldialdiko irabazlea) landare-jatorriko esneki ordezko funtzionalak garatzen ditu lekaleekin. Bere proposamenak ilar horien jasangarritasuna eta esnekiak bezalako ezaugarri funtzionalak uztartzen ditu.
Azkenik, Mycsology Foods (Bostongo geldialdiko irabazlea), mikelioan oinarritzen da —onddoen erro-egitura— haragiaren testura eta zaporea imitatzen dituzten alternatiba jasangarriak garatzeko.
Hautaketa-prozesua
Izena emateko epea amaitu ondoren, Basque Culinary Center ekosistemako eta tokiko bazkideetako aditu eta adituek aurkeztutako startup-ak aztertu zituzten. Hiri bakoitzeko (Kopenhage, Rotterdam, Tokyo, Londres eta Boston) bost finalista hautatu zituzten, balio-proposamena eta tokiko zein nazioarteko ekosistemarekiko konpromisoa kontuan hartuta. Txapelketan parte hartzeko, startup-ek produktu edo zerbitzu proposamenak aurkeztu behar zituzten, gastronomiaren balio-kateko eragileen eraldaketa sustatzeko helburuarekin: sukaldariak, jangela-arduradunak, kudeatzaileak, ekoizleak, banatzaileak, bezeroak, eta abar.
GOe-Gastronomy Open Ecosytem-i buruz
GOe – Gastronomy Open Ecosystem proiektuaren helburua da gastronomiatik ekarpena egitea etorkizun gozo eta iraunkor baten eraikuntzan, talentua, ezagutza eta berrikuntza ardatz hartuta. Proiektuak hurbileko lankidetza sustatzen du erakunde eta enpresekin, elikadura gozoa, osasungarria eta jasangarria sustatzeko. GOe – Gastronomy Open Ecosystem proiektua Basque Culinary Center-ek lideratzen du, Eusko Jaurlaritzako Elikadura, Landagarapen, Nekazaritza eta Arrantza Sailarekin, Gipuzkoako Foru Aldundiarekin eta Donostia-San Sebastian-eko Udalarekin elkarlanean eta haien babesarekin partekatutako estrategia baten baitan. GOe – Gastronomy Open Ecosystem-i buruzko informazio gehiago, esteka honetan:
https://goe.bculinary.com/
