Gaur, asteartea, arratsaldeko lehenengo orduan, Ertzaintzaren helikoptero batek Zuia mendi inguruan istripua izan duen txirrindulari bat erreskatatu du.
Eguerdiko hamabiak aldera, SOS Deiak 112 Larrialdietako Zerbitzura deitu dute Zuian, Aperregi inguruan, istripua izan duen txirrindulari bat zegoela esanez. Antza denez, erori egin da eta ezin zuen bere kabuz aurrera jarraitu.
Adierazitako lekura larrialdietako zerbitzuko hainbat baliabide mobilizatu dituzte, besteak beste, Ertzaintzaren helikoptero bat eta Zaintza eta Erreskate Unitateko Mendiko Taldea. Zauritua aireontziak erreskatatu du, eta, ondoren, Txagorritxu Ospitalera eraman dute.
