78.743 kontratu berri sinatu dira Euskal Autonomia Erkidegoan, ekainean baino % 4,9 gehiago eta 2024ko uztailean baino % 16,3 gehiago. Horietatik 18.230 mugagabeak izan dira (% 23,2)
Uztailak portaera edukitsua eta ñabardurekin uzten du euskal lan-merkatuan, urtaroko eta unean uneko faktoreek baldintzatuta. Langabeziak gora egin du ekainarekin alderatuta, eta 104.991 langabe gehiago daude, hau da, 1.600 langabe gehiago (+1,55 %). Egoera hau azken hiru urteetan errepikatu egin da. Hala ere, urte arteko terminoetan, joerak islatzen dituztenak alegia, bilakaera positiboa izaten jarraitzen du hamargarren hilabetez jarraian: Euskadik 3.074 langabe gutxiago ditu 2024ko uztailean baino (-2,84%), eta honek lan-merkatuak etengabe hobetzeko joera duela erakusten du.
Urte arteko saldoari dagokionez, langabezia gehiago jaisten da gizonen artean portzentajezko balioetan (-1.447, – %3,20), eta balio absolutuetan zertxobait gehiago emakumeen artean (-1.627, – %2,59).
Jardueraren arabera, beherakadarik handiena aurreko enplegurik ez zuten pertsonetan gertatu da, bai hilekoetan (- 293,- %2,05), bai urte artekoetan (- 624, – %9,32). Igoera handiena, aldiz, hezkuntza sektorean gertatu da (+ 905, %29,4), egoera puntual eta ohikoa ikasturte amaiera bakoitzean.
Hileko bilakaeran, iraupen luzeko langabeziak behera egin du (104 pertsona gutxiago), eta % 49,8 da (ekainean baino 0,8 puntu gutxiago). Urte arteko datuei erreparatuz gero, iraupen luzeko langabezian 1.276 pertsona gutxiago daude (-% 2,38) eta iraupen laburreko langabezian 1.798 gutxiago (-% 3,3).
Kontratuak eta Gizarte Segurantza
Kontratazioari dagokionez, dinamismoak gora egiten jarraitzen du uztailean, % 4,9 hazi baita aurreko hilabetearekin alderatuta, eta % 16,3 urte artekoa, 78.743 kontratu formalizatu baitziren. Kontratazio mugagabea guztizkoaren % 23,2 izan zen, eta % 20tik gorako zifra kontsolidatu zuen, lan-erreformaz geroztik egonkor mantentzen dena. Kontratu mugagabeen proportzioak ehuneko 2,0 puntu egin du gora ekainarekin alderatuta; aurreko joerekin hautsiz, eta ehuneko 2,2 puntu 2024ko uztailarekin alderatuta.
Kontratazioaren errekuperazio orokorraren egoera honetan, aurreko hilabeteekin alderatuta, kontratatutako pertsonen % 48,8k 30 urte baino gutxiago ditu, eta emakumeak kontratatutako pertsonen erdia baino gehiago dira; honek orain arte ikusitako joeraren aldaketa dakar. Emakumezkoei dagokienez, 45 urtetik gorako emakumeen taldeak gorakada handia izan du urte batetik bestera kontratazioan (%26,14), baita hilabete batetik bestera ere (%21,9).
Sektorekako analisian, aipatzekoa da ostalaritzan urtaroen araberako joera aldatu egin dela; izan ere, aurten, kontratazioaren igoera ekainera aurreratu da. Hala ere, kontratu mugagabeen portzentaje handi bat mantendu da (%35,2), eta gora egin du joan den hilabetearekin alderatuta. Urte batetik bestera eta hilabete batetik bestera hazkunde handia izan duten sektoreak informazioa eta komunikazioak eta etxeetako jarduerak izan dira, azken hau kontratazio mugagabeen ehuneko onena izan du.
Gizarte Segurantzako afiliazioari dagokionez, Euskadin 1.023.299 kotizatzaile daude, hau da, ekainean baino 5.846 gutxiago. Urte arteko datuei dagokienez, Euskal Autonomia Erkidegoko afiliazioa 10.661 langiletan igo da 2024ko uztailarekin alderatuta, %1,05 gehiago.
Kontratu finko etena duten pertsonen kopurua % 25 hazi da 2024ko uztailarekin alderatuta, eta data hauetan hezkuntza-sektorean ohikoa den egoerak azaltzen du, neurri batean, langabeziaren igoera txikia, ekainarekin alderatuta. Eusko Jaurlaritzak eta Ekonomia, Lan eta Enplegu Sailak lanean jarraituko dute Euskadiko enpleguen kalitatea eta lan-baldintzak hobetzeko.
Testuinguru honetan, Enpleguaren Euskal Lege berria funtsezko tresna da langileen eskubideak indartzeko, euskal enplegu-sistema antolatzeko eta erakundeen eta eragileen arteko koordinazioa bermatzeko. Honekin batera, Enpleguaren Euskal Estrategia 2030 izango da aurrerantzean ere lan-merkatua ikuspegi inklusibo, jasangarri eta berritzaile batetik eraldatzeko ibilbide-orria. Bi ekimen hauek indartu egiten dute kalitateko enplegua sortzen duen, desberdintasunak murrizten dituen eta pertsonak politika publikoen erdigunean jartzen dituen Euskadirekiko konpromisoa.
