“Garrantzitsua da Zeledonek urtero gure jaietara Zalduondotik ekartzen duen landa kutsu bikain hori mantentzea.
Amaia Barredok, Eusko Jaurlaritzako Elikadura, Landa Garapen, Nekazaritza eta Arrantzako sailburuak, Gasteizko gazte guztiei opa dizkie “bereziki Arabako hiriburuaren inguruko administrazio-batzarretako kide eta herritarrei, Andre Maria Zuriaren jai bizi, alai, errespetuzko eta dibertigarriak”. “Garrantzitsua da —gaineratu du sailburuak— Zeledonek urtero gure jaietara Zalduondotik ekartzen duen landa kutsu bikain hori mantentzea”.
Barredok gaur arratsaldean, Gasteizko San Migeleko balkoian, jaien hasieran Andre Maria Zuriaren plazan bildutako jendetzari Zeledonek egindako agurrean parte hartu du. Amaia Barredok, Arabako gainontzeko ordezkari instituzional eta sozialekin batera, Iñaki Kerejazu, Zeledon —irakasle gaztea eta 30 urte betetzen dituen “Hegotarrak” kuadrillako kidea—eta Blanca Aguillo, Andra Mari Zuriaren Kofradiako presidentea, agurtu ditu.
Zeledonen jaitsieraren ostean, Amaia Barredo, Nerea Melgosa, Irma Basterra, Ramiro González, Maider Etxebarria eta gainerako ordezkariekin batera, Udalaren ordezkariekin bat egin dute San Migelen egindako Bezperetako mezan. Bihar, asteartea, Gasteizko Elizako mezan izango da, Nesken eta Blusen Kuadrillek Andre Maria Zuriari egindako lore-omenaldian eta Gasteizko Plaza Berrian dozenaka dantzarik dantzatzen duten Zortzikoan.
