Ertzainek 23 eta 29 urteko bi gazte atxilotu dituzte Gipuzkoako hiriburuan emakume bati poltsa lapurtzeagatik. Atxilotuek bortxazko jarrera izan dute biktimari lagundu dioten lokaleko langileekin.
Bart gauerdi inguruan, bi gazte sartu dira Donostia erdialdeko ostalaritza-establezimendu batean, eta zerbait hartzen hari zen emakume bati poltsa lapurtu diote deskuiduan.
Biktima lapurretaz jabetu denean, lapurrei aurre egin die, eta establezimenduko langileak laguntzera hurbildu dira ihes egin ez zezaten. Alderdiak elkarren aurka indarka hasi dira, eta segurtasun-langileek lapurrak menderatu dituzte Ertzaintzaren baliabideak iritsi arte, eta agenteek biak atxilotu dituzte.
Zerbitzariek eta segurtasun-langileek atxilotu dituzten gazteen kolpeak jaso dituzte, eta bi gazteak polizia-egoitzara eraman dituzte indarkeriaz lapurreta egitea leporatuta.
Atxilotuak, biak magrebtar jatorrikoak, datozen orduotan jarriko dituzte epailearen eskuetan.
