Ertzaintzaren negoziazio mahaiak (125. Mahaia) oniritzia eman dio, ERNE, ESAN eta SIPE sindikatuen aldeko botoekin eta EUSPELen kontrako botoarekin, Ertzaintzaren Goi Mailako intendentearen deialdi berri bati. 2014tik antolatzen den lehen ikastaroa izango litzateke. 2014tik antolatzen den lehen ikastaroa izango litzateke, eta, Ertzaintzaren beste eskala batzuetarako deialdiekin gertatzen den bezala, sindikatuekin adostutako eta Gobernu Kontseiluak onartutako Enplegu Planean finkatutako helburuak betetzea du xedetzat.
Guztira, sei plaza deituko dira, baina plaza gehiagotara zabaldu ahal direnak, eta irekita egongo dira komisariordeentzat, komisarioentzat eta Ertzaintzako goi-mailako ordezkarientzat. Hautagiek gutxienez lau urte eraman beharko dituzte Ertzaintzaren betearazpen-eskalan, eta graduko unibertsitate-titulu ofiziala edo baliokidea izan beharko dute. Segurtasun Sailaren aurreikuspenen arabera, prozesua uda hasieran amaituko da.
Polizia eta Larrialdietako Euskal Akademia arduratuko da oposizio-lehiaketa eta ondorengo prestakuntza-ikastaroa egiteaz, Ikastegiko Kontseilu Errektoreak abenduaren 18an kontrako botorik gabe onartu zuen bezala. Prozesuan zehar gaitasun hauek ebaluatuko dira: kontrol pertsonala, zuzendaritza eta kudeaketa, ekintza agitasuna, kooperatibotasuna eta pertsonen arteko harremanak, sinesgarritasun profesionala, eraginkortasun pertsonala, antolaketa-ingurunea eta gaitasun profesionala.
Prozesu honetan aurreikusitako probak honako hauek izango dira:
- Oposizio-fasea: nahitaezko eta baztertze-indarreko ariketak.
- 1.- Lehenengo froga.
-
-
- Deitutako lanpostuaren lanbide-profilari buruzko nortasun-testa.
- In basket ariketa (ariketa otzaran): hautagaiak bere jarduerarekin eta erantzukizunarekin lotutako zenbait gairi aurre egingo die, eta hautagaiari lehentasun-ordena bat ezarriz aurkeztuko zaizkio.
- 2.- Bigarren froga.
-
-
-
- Bere jarduerarekin eta erantzukizunarekin lotutako gai espezifiko bati buruzko ahozko defentsa. Bost gaitasun baloratuko dira: zuzendaritza eta kudeaketa, ekintza, sinesgarritasun profesionala, eraginkortasun pertsonala eta gaitasun profesionala.
- Elkarrizketa pertsonala, hautagaien jokabide- eta gaitasun-egokitasuna zehazteko, deitutako lanpostuaren lanbide-profilaren funtzioak eta zereginak betetzeko. Proba horretan honako lau eskumen hauek baloratuko dira: kontrol pertsonala, zuzendaritza eta kudeaketa, kooperatibotasuna eta pertsonen arteko harremanak eta erakunde ingurunea.
-
- Lehiaketa-fasea. Merezimenduak egiaztatzea. Fase honetan hauek baloratuko dira:
-
- Lanbide-historia. Azken hamar urteetan komisariordetik goi-mailako lanpostuetara egindako lana baloratuko da.
- Polizia-lanaren aitorpena.
- Antzinatasuna Ertzaintzan.
- Polizia eta Larrialdietako Euskal Akademian emandako lanbide-gaikuntzako ikasketak, maila-igoerak eta abar.
- Hezkuntza Ministerioak aitortutako titulu ofizialak.
- Euskera
- EAEko hizkuntza ez-ofizialak.
Oposizio-fasea amaitu ondoren, gainditu dutenek Polizia eta Larrialdietako Euskal Akademiak antolatutako prestakuntza-ikastaro bat egin beharko dute. Ikastaro hori gai edo ez-gai kalifikazioarekin amaituko da.
Euskal Herriko Agintaritzaren Aldizkariak otsailaren 2an argitaratuko du deialdia, eta lehenengo probak deialdia argitaratu eta bi hilabetera egin beharko dira. Segurtasun Sailaren aurreikuspenen arabera, prozesua uda hasieran amaituko da.
