Lointek bisitatu du Imanol Pradalesek, eta azpimarratu du energiaren prezioa Europakoarekin parekatu behar dela, Euskadiko enpresa elektrointentsiboen etorkizuna eta industria-enplegua bermatzeko
Imanol Pradales Lehendakaria, Mikel Jauregi Industria, Trantsizio Energetiko eta Jasangarritasuneko sailburuarekin batera, Lointek enpresan izan da gaur goizean, enpresaren 30. urteurrenaren harira. Instalazioetan egindako bisitan, Lehendakariak nabarmendu ditu enpresaren industria-ibilbidea eta Euskadiko garapen teknologikoari eta industrialari —bereziki teknologia garbien alorrean— egin dion ekarpena, euskal ekoizpen-sarea eraldatzeko sektore estrategikoetako bat baita.
Pradalesek bere hitzaldian azpimarratu du elektrizitatearen prezioak eragin handia duela euskal industriaren lehiakortasunean, batez ere milaka lanpostu behar dituzten enpresa elektrointentsiboen kasuan. Kostu energetikoa Europako beste herrialde batzuetakoarekin parekatzeko beharra defendatu du, baita faktura elektriko industriala murrizteko aukera emango duten neurriak bultzatzeko beharra ere, euskal enpresek Europar Batasunaren barruan baldintza berdinetan lehiatu ahal izateko eta, horrela, sare industrialaren etorkizuna ziurtatzeko.
