Auto baten gidaria atxilotu zuten atzo bide-segurtasunaren aurkako delitu bat leporatuta, gidabaimenik gabe eta substantzia sorgorgarrien eraginpean gidatzen ari zela. Ertzaintzak Gipuzkoako Oiartzun herrian jarrita zuen prebentziozko kontrol batean arrastatu zuen gidaria.
Atzo, ostirala, goizaldeko ordu biak eta hogeian, Errenteriako Ertzain-etxeko agenteek Oiartzunen alkoholaren eta drogen prebentziorako jarri zuten kontrol batean atxilotu zuten gidaria.
Auto batean GI-3632 errepidean zirkulatzen ari zen gidariari kontrola egin zioten, eta positibo eman zuen droga-testean. Agenteek identifikatu egin zuten, eta dagozkion kudeaketak egin zituztenean egiaztatu zuten ez zuela gidabaimenik eta inoiz ez zuela gidatzeko dagokion baimenik izan.
Ertzainek arrastatu egin zuten 20 urteko gidaria, eta polizia-egoitzara eraman zuten beharrezko eginbideak egitera, ondoren epailearengana eramateko.
