Merkataritzak, ostalaritzak eta zerbitzuek bat egin dezaten sektorea dinamizatzeko kontsumo bonuen kanpaina Barakaldon

0

Barakaldok osasun krisiaren ostean sektorea dinamizatzeko pentsatutako “Barakaldo kontsumo bonoa” kanpainan parte hartu gura duten herriko saltokiak eta negozioak erakartzeko eta atxikitzeko prozesua jarri du abian. Udalak 22.000 kupoi jarriko ditu enpresa eta pertsona autonomoen esku. Kupoi horiek 15 euroko balio nominala izango dute, baina erabiltzaileak 10 euroren truke erosi ahal izango ditu.

“Dendak, tabernak, jatetxeak eta zerbitzuetako establezimenduak pertsianak altxatzen hasi diren honetan, inoiz baino gehiago behar dute gure bultzada”, adierazi du Amaia del Campo alkateak ekimenaren aurkezpenean. “Haiek ematen diote bizia hiriari eta Barakaldarrak hor egon behar gara babesa emateko. Gure saltokian erostea eta gure ostalaritzan kontsumitzea Barakaldo biziagoa sustatzen laguntzea da, zerbitzu gehiago eta lan-aukera gehiago dituen udalerri bat lortzeko”, ziurtatu du.

Bonu-kanpaina hau guztiz desberdina da hirian orain arte garatu direnen aldean. Oraingo honetan, Inguraldek kudeatuko du saltokiak kanpainara atxikitzea eta bonuak banatzea. Bonuak herritarrei atxikita dauden dendetan egongo dira eskuragarri. “Gainera, parte hartzen duten denda eta ostalaritza-lokal guztiek berdin jasoko dute kanpaina hau, eta bonu kopuru bera izango dute. Hori iruditzen zaigu garrantzitsuena”, Alkateak azaldu du.

“Ez dugu ekimen horrek barakaldarren artean harrera ona izango duelaren zalantzarik, baina une honetan, interesatzen zaiguna hiriko enpresen artean partaidetza handia lortzea da, arrakasta bermatzeko”.

Parte hartzea zabalik dago alarma-egoeran itxita egon edo ez egon nahi duten establezimendu eta enpresa guztientzat Gaur onartu diren oinarrien arabera, hauek izan daitezke kanpainaren onuradun: merkataritza sektore osoa (supermerkatuak edo elikagaien salmentarako 400 m2-tik gorako azalerak dituztenak izan ezik), ostalaritza (aldi baterako lokalak eta zerbitzu bereziak izan ezik), konponketak eta zerbitzu pertsonalak (etxeko zerbitzuak ez dira sartzen).