Ertzainek 28 eta 23 urteko bi gizonezko atxilotu dituzte gaur, astelehena, goizaldean, Bilbon, beste gazte bati jipoia emateagatik eta lesio larriak eragiteagatik.
Goizaldeko ordu bata aldera, Abando auzoan zaintza-lanetan ari zen herritarren babeserako patruila batek bi pertsona ikusi ditu San Frantzisko kalean lurrean zegoen gizonezko bati ostikoak ematen. Ertzainak berehala jaitsi dira polizia-autotik, eta erasoari amaiera eman ondoren bi erasotzaileak identifikatu dituzte. Jarraian, osasun-laguntza eskatu dute biktimarentzat.
Zauritua ospitalera eraman behar izan dute, lesio larriak baitzituen, eta erasotzaileak atxilotu egin dituzte, beraz. Arrastatu dituzten bi gazteak polizia-egoitzara eraman dituzte dagozkion izapideak egiteko, eta horiek amaitutakoan epailearen aurrera eramateko.
