Idoia Mendia lehendakariordeak lan-bilera egin du Manu Lezertua Arartekoarekin. Lehendakariordea eta Lan eta Enpleguko sailburua Saileko zuzendaritza-taldearekin eta Lanbideko zuzendariarekin egon dira. Lehen bilera horretan, bi alderdiek adierazi dute prest daudela etengabeko elkarrizketarako bideak izateko bi erakundeek eskumena duten gaietan.
Era berean, Saila gaiak hobetzeko hartzen ari den lehen neurrien berri eman zaio Arartekoari; besteak beste, enplegu-sistema publikoa eraldatzeko neurriena, sortuko diren eskaera berrietara egokitzeko. Azken helburua inor baztertuta ez geratzea da.
Bilera horretan, etengabeko lankidetzarako prest agertu da, Jaurlaritzak erakunde guztien eta gizarte-eragile guztien artean benetako kogobernantza hartzeko hartu duen konpromisoa islatzeko.
