Barakaldoko Udalak Aste Santurako 427 toki eskaintzen ditu gazteen aisialdiko jardueretan

0

Udalak herritarrei argitu nahi die aurtengo Aste Santurako 427 toki eskaintzen ari direla gazteen aisialdiko jardueretan. Aurtengo Aste Santuan hiriko aisialdi publikoko jarduerarik ez dagoela kritikatuz EH-Bilduk atzo egindako adierazpenak ikusita, Barakaldok egoera argitu, eta informazio hori gezurra dela adierazi nahi du. Izan ere, 12 eta 35 urte bitarteko gazteek Gazte Bulegoak eta Giltzarrik antolatutako tailerrak, jarduerak eta irteerak dituzte.

Programazioak 8 eguneko iraupena du, eta, zehazki, 177 toki eskaintzen ditu 12 eta 18 urte bitarteko gazteentzat, eta horiei Topalekuetan egingo diren jardueretarako eskaintzen diren 156 toki gehitu behar zaizkie. Azkenik, 18-35 urteko gazteen jardueretarako 94 toki eskaini dira. «Beraz, guztiz faltsua da oporraldi honetan aisialdi publikoko jarduerarik ez dagoela esatea, atzo EH-Bilduk iragarri zuen bezala», azpimarratu du Gazteriako zinegotzi Jonathan Martínek.

Gogorarazi behar da Barakaldoko Udalak, gainera, hiriak udarako hiri-udalekuen programa berreskuratuko duela, bai eta hiri-kolonien programa ere hurrengo Gabonetarako, pandemiaren egoera hobetzen joango dela, eta formatu horretako jarduerak egitea errazagoa izango dela pentsatuta. Horretarako, udalak joan den martxoaren 8an atera zuen lizitazio publikorako kolonia-programa, eta egun horretatik bertatik ikusgai dago dokumentua. Hain zuzen ere, EH-Bilduko bozeramaileak gaur goizean onartu du martxoaren 18an ekimen bat aurkeztu zutela udan Barakaldok hiri-udalekuak eduki zitzan eskatzeko.  EH-Bildu da berandu dabilena.  Zehazki, 10 egun beranduago.  Serioak izan behar dugu, ezin da eskatu eta erreklamatu dagoeneko egiten ari den zerbait, eta hori egin du EH-Bilduk, hiri-koloniak berreskuratzeko eskatu du, lizitazioa abian dagoela jakinda.  Duela hamar egun jarri zen martxan «, adierazi du Martinek.

Koloniak kontratatzeko eta prestatzeko, hainbat hilabetez lan egin behar da. «Aste Santuan hiri-koloniak egin behar ziren ala ez erabaki behar zenean, hirugarren olatuan geunden, ostalaritza berriz itxita ¿ Ez zen jarduera mota hori txikienekin egiteko unea», azpimarratu du zinegotziak. «Orain, ordea, beste egoera batean gaude, eta ikuspegi hobeak ditugu udarako, txertaketa-kanpainei esker. Hortaz, kanpaina horiek abian jartzeko une egokia dela pentsatu dugu, betiere aurreikuspenak betetzen ez badira, bertan behera utzi behar izateko aukerarekin», adierazi du.