Asteburu honetan egin den Navartur Turismo Azokaren esparruan, GATURI eskualde arteko proiektua osatzen duten bost lurraldeek VISIT GastrOH! ezagutzera eman dute: nazioarteko turismo gastronomiko iraunkor baterako eskaintza. Plataforma digital honetan ekimen honetan bat egiten duten lurraldeak bisitatzeko eta gastronomiaz gozatzeko modu ugari biltzen dira.
Eskaintza honen bidez, produktu berean nazioarteko lurralde gastronomiko komun bat biltzen da Euskadi, Biarno, Errioxa, Nafarroa eta Ipar Euskal Herriak osatua, eta VISITGastrOH! izeneko nazioarteko helmuga turistiko gastronomiko bakarra merkaturatzen da, bai eta nazioartekotzeko eredu bateratu bat ere, gastronomiaren eta turismoaren sustapena eta posizionamendua hobetzeko. Plataformak turismo gastronomikoaren ibilbideak eta esperientzien katalogo zabala hartuko ditu, eta bidaiariari aukera emango dio bere interesekin eta beharrekin bat datozen proposamenak hautatzeko, eta, aldi berean, lurralde erkideko nekazaritzako elikagaien salmentarako erakusleiho zabal bat egiteko, azken bezeroari eta HORECA kanalari zuzendua.
Gaikako turismo-ibilbideak dira VISIT GastrOH! helmuga osatzen duten bost lurraldeetako baliabideak eta zerbitzuak gastronomia-produktu jakin baten inguruan (ardoa, gazta …) integratzea. Era berean, lehen, bigarren eta hirugarren sektoreetako zerbitzu-eskaintza zabala eta egituratua barne hartzen ditu, balio-proposamen bat osatzeko, eragile guztien sare-lana indartzeko eta lurraldea nazioartean batera sustatzeko.
GATURI proiektuak aldi berean lan egiten du eskualdeen artean ezagutza trukatzeko eta profesionalak eta kontsumitzaileak prestatzeko, produktu gastronomikoak hobeto identifikatzeko eta elaboratzeko. Era berean, bost lurraldeetarako Gastro-Demo bat prestatzen ari dira Basque Culinary Centerren, 2022ko martxoaren 8rako. Jardunaldi horretan, bost eskualdeetako sukaldariek lankidetzan jardungo dute beren eskualdeetako produktuekin fusio-platerak egiteko, kazetari gastronomiko ospetsuen eta BCCko ikasleen laguntzarekin. Sustapen- eta merkaturatze-ildo berean, prentsa-bidaia berriak eta nazioarteko kazetari eta turoperadoreentzako bidaiak antolatzen ari dira helmugaren inguruan, beren eskaintza gastronomikoa sustatzeko eta merkaturatzeko.
