Eusko Jaurlaritzak 432.000 eurorekin finantzatzen du jarduera sindikala EAEko administrazioan

0

Mahai Orokorrean ordezkaritza duten 12 sindikatuek 432.000 euro banatuko dituzte laguntza hori finantzatzeko

Gobernu Kontseiluak gaur onartu ditu euskal funtzio publikoan ordezkaritza duten sindikatuen jarduera errazten duten laguntzak. Diruz laguntzen den jarduera sindikala honako eremu hauetan garatzen da: Euskal Autonomia Erkidegoko (EAE) Administrazio Orokorraren eta haren erakunde autonomoen zerbitzuko funtzionarioak eta lan-kontratuko langileak; Osakidetzaren zerbitzuko estatutupeko eta lan-kontratuko langileak; unibertsitateaz kanpoko irakasle publikoak; Ertzaintzako langileak; Hezkuntza Sailaren mendeko lan-kontratuko langileak, bai eta irakasle eta hezitzaileak eta erlijioko lan-kontratuko langileak ere, eta Segurtasun Saileko lan-kontratuko langileak.

Laguntzaren zenbateko osoa 432.000 eurokoa da, 12 sindikatuek beren baliabide materialak eta jarduera finantzatu ahal izan ditzaten, eta, horrela, Euskal Administrazio Publikoaren negoziazio mahai desberdinetan langile publiko, funtzionario edo lan-kontratudunen interesak defenda ditzaten.

Laguntzak sindikatuen ordezkaritza orokorraren arabera banatuko dira:

ELA                         152.314,58  euros

LAB                         108.115,66

CCOO                        56.736,92

UGT                          40.366,33

SATSE                       25.856,63

SME                          10.155,69

STEE-EILAS               19.856,46

ERNE                          6.551,85

ESAN                          4.913,89

EUSPEL                       1.910,95

HITZA                         3.444,45

LSB/USO                     1.776,58