Osakidetzak Debagoieneko Ospitalearen lehen instalazioak hartu zituen eraikina eraisteko obrak hasi ditu, emaitzazko orubean pabiloi berri bat eraikitzeko. Pabiloi horren bidez, eguneko ospitale mediko-kirurgikoa handitu, endoskopia-zerbitzua eskainiko duen digestio-unitate berri bat eta errehabilitazio-zerbitzu berri bat sortu eta erresonantzia magnetikoko gela bat integratu ahal izango da Ospitalearen barruan. Gainera, base berri bat egingo da Arrasateko larrialdi-zerbitzurako, eta kanpoko kontsulten eremua handitu egingo da.
Proiektuak 25 milioi euroko inbertsioa beharko du, eta herriko, eskualdeko eta Gipuzkoako lurraldeko arreta asistentziala ez ezik, hiri-ingurunea eta herritarren irisgarritasuna ere hobetuko ditu, 100 plazako lurpeko aparkaleku baten eraikuntza aurreikusten baitu.
Eraispen-lanek martxora arte iraungo dute, eta ospitaleko jarduera asistentzialarekin bateragarria izango den modu batean egingo dira. Obrak lizitatu eta esleitu aurreko egikaritze-proiektua datorren udarako prest egongo da.
