Gizarte bonu termikoa zuzenean ematea eta ordaintzea erraztuko duen legeari argi berdea eman dio Eusko Jaurlaritzak

0
  • Gobernu Kontseiluak oniritzia eman dio erreferentziazko enpresa merkaturatzaileek laguntza hauen onuradunen datu pertsonalak emateko duten betebeharra arautzen duen lege-proposamenari

Eusko Jaurlaritzak babestu egiten du Eusko Jaurlaritzak berogailuaren, ur beroaren edo sukaldearen fakturak ordaintzeko laguntzak zuzenean ematea eta ordaintzea ahalbidetuko duen lege proposamena. Asteroko bileran, Gobernu Kontseiluak adierazi du aldeko irizpidea duela Euzko Abertzaleak eta Euskal Sozialistak legebiltzar taldeek egindako lege proposamena aintzat hartzeko. Erreferentziako enpresa merkaturatzaileek EAEko Administrazioari gizarte-bonu termikoa kudeatu eta ordaintzeko informazioa ematea arautzen du lege proposamen horrek.

Ekimenaren helburua da lege mailako arau bat ematea, betiere merkaturatzaile elektrikoek EAEko bonu sozialaren onuradunen datu pertsonalak emateko duten betebeharra ezartzeko.

Gizarte bonu termikoa pobrezia energetikoa arintzeko laguntzak zuzenean emateko programa da, eta Estatuko Aurrekontu Orokorren kontura finantzatzen da, baina ordainketa autonomia erkidegoek kudeatzen eta izapidetzen dute. Eguraldi hotzak eragindako gastuak ordaintzeko etxe bakoitzak jasotzen duen kopurua bizilekuaren (udalerriko zona klimatikoa) eta zaurgarritasun mailaren (‘kaltebera’ edo ‘kaltebera larria’) arabera ezartzen da.