Jose Maria Zuluaga Athletic Clubeko jokalari ohia gaur hil da Bilbon, 71 urte zituela. Erdilariak elastiko zuri-gorria jantzi zuen hiru denboralditan lehen taldearekin eta bitan Bilbao Athleticekin. Lehoi gisa, 1973an Kopako titulua altxatzea lortu zuen taldeko kide izan zen, duela gutxi San Mamesen omenaldia egin zitzaiona efemeride honen 50. urteurrenean. Gainera, Zuluagak Barakaldo CF, Deportivo Alaves, Recreativo de Huelva, Lorca eta Arenasen koloreak defendatu zituen.
Athletic Clubek bere doluminak helarazi nahi dizkie jokalari ohiaren familiari eta gertukoei. Gizonezkoen lehen taldeak besoko beltzak eramango ditu bere omenez bihar Dublingo Aviva Stadiumean Manchester Uniteden aurka jokatuko duen lagunartekoan.
