Iruña eta Zizur Nagusia lotuko dituen oinezkoentzako eta bizikletentzako bidea zabalik egongo da ekainaren amaieran. Oscar Chivite Lurralde Kohesiorako kontseilaria eta Jon Gondan Zizur Nagusiko alkatea obrak egiten ari diren eremuan izan dira, Next Generation funts europarretatik eratorritako 860.141 euroko inbertsioarekin (BEZa barne).
Ibilbide berriak, zeinek Arostegi Etorbidearen bidez udalerri biak lotuko dituen, 824 metroko luzera izango du eta Zizur Nagusiko udalerrian kokatuko da oso-osorik, hain zuzen, Bideko Autobidearen eskuinaldean (A‐12), Logroño-Iruña zirkulazioaren noranzkoan.
Trazaduraren hasiera, Idoia Parkean dagoen bidegorriarekin lotuko da; bere erdialdeko tartean, 144 metroko luzera izango duen adar bat proiektatuko da, ibilbide berria A‐12 errepidearen gaineko NA‐6053 errepideko biaduktuaren oinezkoentzako espaloiarekin hala nola herriko Memoriaren Parkearekin lotzeko; eta, azkenik, proiektatutako ibilbidea A-12 eta A-15 autobideen bidegurutzean amaituko da, Zizur Nagusiko lotunean. Eta jarduketari esker, Zizur berria Zizur zaharrarekin lotu ahal izango da.
Bisitan izan dira halaber, Herri Lan eta Azpiegituren zuzendari nagusia, Pedro Lopez; Berta Miranda Garraioen eta Mugikortasun Jasangarriaren zuzendari nagusia; obraren burua, Iñaki Gallego, Lacunza Hermanos SLko zuzendari teknikoa, Luis Iglesias, Egokitzapen Obren Ataleko burua, Patxi Ansorena, eta Egokitzapen Obren Burutze eta Kontrolerako Bulegoko burua, Jesus Cardona.
Oinezkoek eta txirrindulariek partekatzeko 800 metrotik gorako ibilbidea
Bizikletentzako ibilbide berrirako aurreikusitako trazadura oinezkoek eta bizikletek partekatuko duten ibilbidea izango da; oinezkoek lehentasuna izango dute eta 4,5 metroko zabalera eta 824 metroko luzera nagusituko dira.
Oinezkoen eta bizikleten arteko bizikidetza bateragarri egite aldera, baldosa podotaktilezko luzetarako plakatze-zerrenda bat jarriko da eskuineko ertzeko hormatik 2 metrora, Iruñeko noranzkoan, espaloia bi zatitan banatuko duena. Horrela, seinaleztapen bertikal orientagarri bat eta bizikleten piktogramadun baldosatxo batzuk erantsita, zirkulazioa antolatuko du, hormaren ondoko ertza txirrindularientzat orientatuz eta errepidetik hurbilen dagoena oinezkoentzat orientatuz. Azken alde horretan segurtasun-baranda bat jartzea aurreikusten da.
Bestalde, Zizur A-12 errepidearekin lotzeko adarraren hasieran oinezkoentzako pasagune berriak Memoriaren Parkeko ibilbideekin duen lotura amaiera zimurtsua izango duen hormigoizko zoladurarekin proiektatuko da.
Oinezkoentzako eta bizikletentzako erreiaren zabalera eskuineko ertzerantz hedatuko da kasu guztietan, ardatzak aurrera egiteko noranzkoan, A‐12 Autobideko galtzadari kalteak saiheste aldera. Zoladurarako hartutako soluzioa 30×30 zentimetroko hormigoizko baldosarena da; honen tonalitateak ezberdinak dira baldosa podotaktilezko zerrendaz osatutako banatze-lerroaren alderdi batean eta bestean, bizikleta eta oinezkoen lehentasunezko igarobideak errazago identifikatzeko.
