Nafarroako Gobernuak, gaurko bilkuran, Hezkuntza Departamentuaren egitura organikoaren aldaketa bat onartu du, 2026-2029 eperako azpiegitura plan handinahi baten garapena errazteko. Hezkuntzako kontseilari Carlos Gimenok gaur goizean eman du helburu horren lehen zehaztapenaren berri: 2026ko Hezkuntza Azpiegituren Plan Zuzentzailea, 42.838.765 euroko jarduketak biltzen dituen dokumentu publikoa.
