Gobernu Kontseiluak Kepa Bilbao Gaubeka izendatu du Gobernantza, Administrazio Digital eta Autogobernu Saileko Araubide Juridikoko sailburuorde.
Kepa Bilbao Gaubeka jarduneko abokatua da, eta 35 urtetik gorako jardun profesionala du. Zuzenbide Politikoko I. eta II. irakasle izan da Deustuko Unibertsitateko Zuzenbide Fakultatean, Egitura Politiko-Administratibo irakaslea Politika Zientzien eta Soziologiaren Fakultatean, eta Administrazio Zuzenbide irakaslea Unibertsitate bereko Gizarte Laneko Eskolan.
Era berean, Jakiundeko idazkari nagusi ohia izan da, Euskadiko Zientzia, Arte eta Letren Akademia; hainbat kudeaketa-postu izan ditu enpresetan, askotariko objektu sozialekin, eta mundu akademikoarekin, etikarekin edo zuzenbidearekin lotutako zenbait fundaziotako patronatuko kidea izan da. Gaur egun, Euskal Autonomia Erkidegoko Arbitraje Batzordeko kide da.
Izendapena Sabino Torre Diézek erretiroa hartu ondoren iritsi da. Torrek lau hamarkada baino gehiagotan Eusko Jaurlaritzaren zerbitzu juridikoan ibilbide luzea egin du. Urte hauetan zehar, zorroztasunez, irizpide teknikoz eta zerbitzu publikoko bokazioaz lagundu du Euskadiko Administrazioaren aholkularitza juridikoa garatzen eta finkatzen. Bere ibilbide profesionaleko azken urteetan, Araubide Juridikoaren sailburuordea eta Euskadiko Aholku Batzorde Juridikoaren presidentea izan da.
