Ostegunean hasiko da Basque Segurtasun Foroari amaiera emango dion udako ikastaroa

• Imanol Pradales Lehendakariak inauguratuko du ostegunean eta ostiralean egingo den «Basque Segurtasun Foroa. Segurtasun integrala eta komunitatea” izeneko ikastaroa

Segurtasun Sailak duela urtebete ekin zion segurtasunari eta etorkizuneko erronkei buruzko hausnarketa-prozesuari, eta Euskadiko eskualdeetan 33 bilera egin ondoren, Basque Segurtasun Foroak ekainaren 25ean egin zuen azken bilera, Donostian. Urte oso batez, topaketetan parte hartu duten pertsonek eta erakundeek gogoeta egin dute segurtasunari eta etorkizuneko erronkei buruz dituzten kezkei buruz. Orain, Segurtasun sailak, «Basque Segurtasun Foroa. Segurtasun Integrala eta Komunitatea » uda ikastaroak partaidetzaren kultura horretan sakontzen eta irakaskuntza eta erronka sozial berriak partekatzen jarraitu nahi du. 2.000 pertsonak baino gehiagok parte hartu duten prozesuaren isla izan nahi du, eta prozesu hori aldaketa-garai honetara hobeto egokitutako estrategia, segurtasun- eta prebentzio-politiketara nola eramango den azaldu nahi du.

«Basque Segurtasun Foroa. Segurtasun integrala eta komunitatea » uda ikastaroa ostegun eta ostiral honetan ospatuko da Donostiako Miramar Jauregian eta Imanol Pradales Lehendakariak inauguratuko du. Gainera, Segurtasuneko sailburu Bingen Zupiriak emango dio amaiera ikastaroari, Segurtasun Saila lantzen ari den Euskadiko Segurtasun Integraleko Plan Orokorrari buruz hitz eginez. Plan horri Basque Segurtasun Foroan jasotako erronka nagusiak gehituko zaizkio.

Osteguneko jardunaldiak honako hitzaldi hauek hartuko ditu:

• “Riesgos climáticos y open-data“ Santiago Gaztelumendirekin (Euskalmet) eta Miren Gutiérrezekin (Deustuko Unibertsitatea)
• “Seguridad vial y valores” Javier Reyero Universidad Francisco de Vitoria -ko irakaslearekin
• “Inclusión educativa“ Begoña Pedrosa Hezkuntza sailburuarekin eta Zakariae Cheddadi soziologoarekin
• “Ciberseguridad a nivel nacional“ Juan Gonzalez de Benito Kataluniako zibersegurtasun agentziako arduradunarekin (hitzaldia bide telematikoetatik egingo da)
• “Seguridad ciudadana integral e innovación“ Quebec, Berlin eta Erresuma Batuko polizietako ordezkariekin.

Ostiraleko hitzaldiak honako hauek izango dira:

• “Adicciones y salud mental“ Ana Isabel Estévez Gutiérrez Deustuko Unibertsitateko irakaslearekin eta Rodrigo Oraa Osakidetzako psikiatrarekin
• “Resiliencia emocional“ Gurutz Linazasoro, Policlínica Gipuzkoako neurologoarekin
• “Desinformación y deep-fakes“ Costanza Sciubba Wikimedia Foundation-eko Knowledge Integrity Strategy Lead -aren eskutik