Barakaldoko Udalak hasi ditu Gurutzeta auzoko Balejo haur-parkeko ehun-estalkia berritzeko lanak. Jardueraren helburua da estalki horrek azken urteotan izan dituen kalteei irtenbidea ematea, batez ere haize-bolada ezohikoen eta ehun-olanaren euste-sistemen higaduraren ondorioz.
Berrikuntza nagusi gisa, estalkia finkatzeko sistema aldatzea erabaki da, mintzen mugimenduak murriztea eta, horrela, higadura murriztea eta balio-bizitza luzatzea bilatzen duen soluzio bat gehituz. Tent-keder eusteko sistema berriak aluminiozko profil egituratuak erabiltzen ditu metalezko egiturari torlojuz lotuta, mintz berriak finkatzeko.
Soluzioa hainbat elementurekin osatzen da, lotuneak indartzeko eta olanek urradura gehiago jasan ez ditzaten. Zehazki, aluminiozko Keder profilak, olanen izkinetan altzairuzko plakak, altzairu galbanizatuzko tenkagailuak eta altzairu galbanizatuzko kableak jarriko dira mintzen poltsikoetan. Altzairuzko plaken helburua, hain zuzen ere, izkinak sendotzea eta olanak ez urratzea da.
Parkearen estalkia 12 arkuko egitura batek osatzen du. Arku horiek bat egiten dute goiko aldean, eta esferaerdiko bat osatzen dute, 11 metroko altuerakoa. Arkuek 324milimetroko diametroa eta 10 milimetroko lodiera duten altzairuzko egitura-hodiak dituzte.
«Balejoko estalkia behin baino gehiagotan hautsi delako jardun behar izan dugu, eta konponbide gogorragoa bilatu nahi dugu», azaldu du Jon Andoni Uria Auzoetarako eta Hirirako Obretako zinegotziak. «Horregatik, ez gara olana ordezkatzera mugatu; aitzitik, eusteko sistema ere aldatzearen eta ahalegin handiena jasan dezaketen puntuak indartzearen alde egin dugu. Orain, sistema berri horrek hobeto eta denbora gehiagoz eusten dion egiaztatu nahi dugu, batez ere aurreko kalteen zati bat eragin duten haize-boladen aurrean «.
Berritzeak 48.247,09 euroko aurrekontua du, eta aurreikusitako gauzatze-epea bi hilabetekoa da.
