Ertzainek gizon bat atxilotu dute Erandion, Bizkaian, lesio-delitu bat leporatuta, beste gizon bati labana batekin eta hautsitako botila batekin eraso egiteagatik. Erasoan biktimak lesioak izan ditu esku batean eta saihetsaldean, eta osasun-zentro batera eraman behar izan dute.
Erasoa atzo, igandea, gaueko bederatziak aldera, gertatu zen Erandion (Bizkaia).
Ordu horretan, mugapeko herri horretan herritarrak babesteko lanetan ari zen Erandioko Ertzain-etxeko patruila bati eskatu zioten Asua-Erletxe etorbidera joateko, gizon bati arma zuri batekin eraso egin baitzioten.
Bertaratu ziren agenteak hainbat zauritatik odola dariola zegoen gizon batekin harremanetan jarri ziren, eta honek ertzainei esan zien beste gizon batek eraso egin ziola arma zuri batzuekin.
Agenteek egiaztatu zuten, magrebtar jatorriko 27 urteko biktima odola dariola zegoela eskuan zuen zauri batetik, eta, biktimak esan zienez, labana batekin egin zion. Era berean, gazteak hainbat ebaki zituen ezkerreko saihetsaldean, antza denez hautsitako botila batekin egindakoak.
Biktimaren arabera, erasotzaileak ihes egin zuen, eta agenteei ustezko erasotzailearen argazki bat erakutsi zien, beraz.
Lesioen larritasuna ikusita, patruilak anbulantzia bat agertzeko eskatu zuen. Osasun-langileek, lesioen lehen balorazioa egin ostean, biktima Gurutzetako ospitalera eraman zuten. Bertako osasun-langileek egiaztatu zuten biktimaren zauriak bateragarriak zirela labana batekin eta hautsitako botila batekin egindako erasoarekin.
Bien bitartean, Ertzaintzak, Aginte eta Kontrol Zentroarekin harremanetan jarrita, beharrezko kudeaketak egin zituen erasotzailea aurkitzeko, eta ondorioztatu zuen biktimak emandako deskribapenarekin bat zetorren gizon bat Bilbon, Basurtuko ospitalean, artatzen ari zirela.
Jarraian, Ertzaintzako agenteak osasun-zentrora joan ziren eta erasotzailea identifikatu zuten, eta begi bat hazita eta lepoan atzamarkadak zituela egiaztatu zuten. Labana batekin eta hautsitako botila batekin beste gizon bati eraso egin ziola egiaztatu ondoren, Ertzaintzak atxilotu egin zuen magrebtar jatorriko 23 urteko gizona, lesio-delitu bat leporatuta
Akusatua Bilboko Ertzain-etxera eraman zuten beharrezko eginbideak hasteko, eta, horiek amaitu ondoren, epailearen eskuetan jarriko dute.
