Eusko Jaurlaritzako Ekonomia, Lan eta Enplegu sailburu eta lehendakariorde Mikel Torresek SSI Taldearen 40. urteurreneko bigarren topaketan parte hartu du gaur, enpleguan eta zaintzaren arloko prestakuntzan oinarrituta, Saileko ordezkaritza instituzional zabal batekin batera.
Jardunaldian, Alfonso Gurpegui Enplegu eta Inklusioko sailburuordea, Elena Pérez Barredo Lan eta Gizarte Segurantzako sailburuordea, Sara Buesa Inklusioko zuzendaria, Arantza Martínez Tobalina Enpleguko zuzendaria eta Francisco Pedraza Lanbide-Euskal Enplegu Zerbitzu Publikoko zuzendari nagusia izan dira. Topaketa horretan, gizarte-arloko eragile publikoak bildu dira, zaintza-sektorearen erronkei eta aukerei buruz hausnartzeko.
Bere mintzaldian zehar, Torresek azpimarratu du “datozen urteetako politika publikoen lehentasun handienetako bat izango dela zaintzak ekintza politikoaren erdigunean kokatzea”, eta nabarmendu du funtsezko eremua dela, ez bakarrik ikuspegi sozialetik, baita ekonomikotik eta lanetik ere. Ildo horretan, azpimarratu du beharrezkoa dela zainketei ikuspegi integral batetik heltzea, enplegua, berrikuntza, prestakuntza eta garapen soziala uztartuz.
Topaketak SSI Taldearen ibilbidea aitortzeko ere balio izan du, euskal ekonomia sozialean erreferentziazko proiektu kooperatibo gisa. Gizarte-eremuan prestakuntza- eta enplegu-eredu berritzaileak garatzeko egin duen ekarpena nabarmendu da, bai eta Zainlab bezalako ekimenetan edo zainketen gaitasun profesionalak hobetzeari lotutako Europako proiektuetan izan duen papera ere.
