Nafarroako Gobernuak eta Tuterako Udalak emakumeen eta neskatoen kontrako indarkeriaren aurrean jarduera koordinatzeko tokiko protokolo berria sinatu dute, eta horrekin 2020an arlo horretan sinatutako lehen akordioa eguneratu eta zabalduko da. Akordio horren helburua da esku-hartze azkarra, koordinatua, espezializatua, integrala, kalitatezkoa eta genero-ikuspegi intersekzionalekoa ziurtatzea nahiz arretaren estandarrak eta zirkuituak homogeneizatzea eta esku-hartzeko lana Tuterako tokiko errealitatera egokitzea, biktimak eta bizirik daudenak, seme-alaba adingabeak barne, berriro biktimizatzea saihestuz.
