Foru Komunitateko hamaika ikastetxetako hamazazpi ikasle nafarrek beren talentu matematikoa dela-eta saria jaso dute gaur, Nafarroako Artxibo Nagusian egindako ekitaldian. Bertan izan dira Carlos Gimeno Hezkuntza kontseilaria, NUPeko ordezkariak eta Nafarroako ikasleek irabazitako olinpiadak eta lehiaketak bultzatu dituzten erakundeetako kideak: Tornamira Matematikako Irakasleen Nafarroako Elkartea, Talentu Matematikoaren Tailerra, Nafarroako Unibertsitate Publikoa eta AVATAR estatistika-lehiaketaren antolatzaileak. Besteak beste, sariek talentu matematikoarekin, arazoak ebaztearekin, estatistika aplikatuarekin, ikerketarekin, datuen zientziarekin eta STEM bokazioekin lotutako ekimen horietan nabarmendu diren ikasleak saritzen dituzte.
