Navarrabiomedek zuzendutako eta Nafarroako Ospitale Unibertsitarioak, CIMAk eta Nafarroako Unibertsitateak, ADItech Fundazioak eta Eversens eta NNBI 2020 enpresek burututako INNOLFACT 2.0 proiektua emaitza oso esanguratsuekin amaitu da, gaixotasun neurodegeneratiboei aplikaturiko doitasunezko medikuntzaren esparruan. Industriako eta Enpresen Trantsizio Ekologiko eta Digitaleko Departamentuak 1,6 milioi euroko laguntza eman zion INNOLFACTen bigarren faseari 2023-2026 proiektu estrategikoen deialdian, eta, horri esker, usaimen-sistema, sistema immunea eta kognizioa lotzen dituen ikuspegi berritzailea sendotu ahal izan da.
