Nafarroako Gobernuko Osasun Departamentuak denboraldi honetan Arnas Birus Sintzitialaren (ABS) aurkako immunizazio kanpaina hasi du haurtxoentzat, 2026ko uztailaren 1etik 2027ko urtarrilaren 31ra bitartean 3.000 inguru jaioko direla aurreikusten da. Aurreko denboraldian, Nafarroako Osasun Publikoaren eta Lan Osasunaren Institutuaren (NOPLOI) Epidemiologia eta Osasun Prebentzioko Zerbitzuan erregistratutako datuen arabera, 3.300 haur immunizatu ziren guztira – hamarretik bederatzi –, eta 100 ospitaleratze baino gehiago saihestu zirela kalkulatzen da.
