Nafarroak Nekazaritzako Elikagaien eta Toxikologia Laborategia izango du, berritua eta behar berrietara egokitua, NASERTIC sozietate publikoaren Administrazio Kontseiluak astearte honetan onartutako erreforma integralaren ondoren. Nafarroako Gobernuko lehen lehendakariorde eta Lehendakaritzako eta Berdintasuneko kontseilari eta NASERTICeko presidente Javier Remirezek Atarrabian dauden instalazio horiek bisitatu ditu. Urtean 50.000 lagin inguru prozesatzen dituzte, eta zerbitzu espezializatuak ematen dituzte hainbat arlotan, hala nola elikagaien segurtasunean, ingurumen kontrolean, toxikologian eta ikerketa genetiko eta forentsean.
