Larunbatean 64 urteko gizon bat arrastatu zuen Ertzaintzak Errenterian beste bati defentsako esprai batekin eta arma zuri batekin eraso egiteagatik.
Gauerdi inguruan, patruila batek Errenteriako Iztieta auzoan gertatutako eraso baten abisua jaso zuen.
Ertzainek jakin ahal izan dutenez, gizonezko bat tabernako bezeroak gogaitzen ari zen, eta batek bere jarrera gaitzetsi zionean, erasotzaileak defentsako esprai batekin busti dzion aurpegia. Gainera, biktima komunera aurpegia garbitzera joan zenean, gizonezkoak atzetik segi zion eta arma zuri batekin zauritu zuen sabelaldean.
Agenteek lekuan bertan identifikatu dute erasotzailea, eta berarekin zeraman motxilan defentsako esprai bat eta bi labana aurkitu dizkiote. Polizia-patruilak lesio-delitua leporatuta atxilotu du gizonezkoa. Arrastatua gaur goizean bertan eraman dute Donostiako Guardiako Epaitegiko epailearen aurrera.
